BJP Mizoram chuan ni 100 inhlawhna, MGNREGS Material Component MNF sawrkarin a kalpui dan a dik lo tiin, nimin khan Mizoram Lokayukta-ah hemi chungchang chhui chiang tura ngenna an thehlût.
Nimina BJP Mizoramin thuchhuah an siamah chuan Central sawrkarin thing-tlang chhungkuate dawmkân nana kum khat chhunga ni 100 inhlawhna buatsaih a, mipui inhlawhna hnathawh-te a ṭul anga thuam ṭhatna tura hnathawh nan leh hnathawhna bungraw hman tur leina tura scheme, Material Component (MC) MNF sawrkarin a kalpui dan chu hlemhletna khurpuia Mizoram siamtu a ni tiin, MC hi Job Card neih zat anga rualkhai taka kalpui tur a nih laiin, Committee chhawng – District Level (DEC), Block Level (BEC) leh Village Level (VEC)-te hming hmangin eirukna nasa tak kalpui a ni tiin an sawi a, Aizawl rawn tlawhtu, Central Minister, Faggan Singh Kulaste pawhin Mizoram sawrkarin MGNREGS a kalpui dan a hriatin mak a ti a, Union Ministry Office ah Complaint thehlut tura a tih angin BJP Mizoramin a thehluh pawh RD Ministry-in hma an lak mek thu BJP Vigillance Cell hotute a rawn hriattir tawh nniin an sawi a, thingtlang miten an chanvo diktak an hmuh theih nan leh eirukna kalphung tihtawp a nih theih nan MGNREGS MC kalpui dan diklo chhui turin Lok-ayukta-ah Complaint an thehlut zui tih an sawi bawk.