Mizoram Presbyterian Kohhran, Chhimchhak Presbytery huam chhunga Kohhran Upate tan nimin khan Chhiahtlang Chhim Veng Kohhranah Seminar neih a ni.
Chhimchhak Presbytery huap Kohhran Upa Seminar hi nimin chawhma, chawhnu leh zanahte hun hman a ni a, chawhma hun, Upa KL Pakunga, Moderator, Chhimchhak Presby-tery kaihhruaia neihah Pastor H.Biakthansanga Serchhip Bial chuan ‘Kohhran relbawl leh kilkawi’ tih thupui hmangin zirtirna a pe a, chawhnu hun, Pastor Zohmunmawia, New Serchhip bial kaihhruaiah Pastor C.Lalsanglura, Chhiahtlang Kawn Veng Bial chuan “Kohhran Upa leh tunlai khawvel” tih thupui hmangin zirtirna a pe, nizan khan Pastor Lalremruata, Serchhip Vengchung Bial kaihruaiin, sawihona leh thupui khaikhawmna hun hman a nih bakah zawhna leh sawihona hun hman a ni bawk.