Zothlifim Logo
Loading ...

New Serchhip Volleyball Court-a Serchhip District Volleyball Championship 2022 khelh mek chu vawiin hian mipa leh hmeichhia final khelin, a hmawr bawk fel a ni dawn.

Nimina mipa semi-final khelhah Bungtlang volleyball club chuan 19-25, 25-27, 25-20, 25-23, 15-9-a Hriang-tlang volleyball club an hneh a, Keitum Kawn Veng volleyball club chuan 26-28, 25-22, 25-10, 22-25, 15-9-in Vengchung volleyball club an hneh bawk a, final-ah Keiṭum Kawn Veng leh Bungtlang an inkhel dawn a ni.

Hmeichhe lamah nimin khan Vengchung volleyball club chuan 25-14, 25-14-in Biakmuana memorial volleyball club an hneh a, Bungtlang volleyball club chuan 25-21, 25-22-in Dinthar volleyball club an hneh bawk a, Vengchung leh Bungtlang-ten final an khel dawn a, vawiin chhun dar 12:30 hian final hi kelh ṭan a ni ang.


Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117