Dan bawhchhiatna leh pawi khawihna thlengah kutzia leh finfiahna (forensic evidence) zawn leh lak a ṭul changin forensic team mamawhna a sâng hle a, Mizoramah Forensic Science Laboratory pakhat chauh a awm avangin leh Aizawla awm a nih avangin hmun hla zawka Forensic team-te kal turin harsatna tam tak a awm ṭhin a, he’ngte avang hian Lawngtlai District Police chuan Forensic Team hran nei tura hma lain, niminpiah (23.5.2022) khan District Police Forensic Team chu din fel a ni.
Lawngtlai District Police-in Forensic Team hran a neih theih nan hian thawktu pathum ASI, Head Constable leh Constable pakhat ṭheuhte chu Forensic Science Laboratory, Aizawlah training tura tirh niin, pawi khawihna hmuna kutze thla lak dan te, finfiahna dang lak dan leh forensic science te an zir a, hna thawhna atana an hman tur mobile forensic vehicle buatsaih fel sa pawh tlangzarh nghal a ni.