French Open-ah champion lai Novak Djokovic chuan set hloh lovin fourth round a thleng ta.
Kum 34 mi, Djokovic hian third round-ah hian 6-3, 6-3, 6-2-in Aljaz Bedene lakah hnehna a chang a, top seed Djokovic hian French Open-a ṭum 13 champion tawh, Rafael Nadal nen quarterfinal-a inhmachhawn leh theihna hun a nei mek a, kum 35 mi, Nadal hian nimin khan 6-3, 6-2, 6-4-a Botic van de Zandschulp hnehin last 16 a thleng bawk a ni.
Nikum semi-final-ah khan anni pahnih hi inhmachhawn tawhin, Djokovic hian hnehna a chang a, Pathianni khian Felix Auger-Aliassime a hmachhawn leh dawn a, ninth seed Auger-Alliassime hian last 16 thleng tur hian Filip Krajinovic chu 7-6 (7-3), 7-6 (7-2), 7-5-in a hneh a, Nadal-a’n major titles 21 a lak zinga title 16 a lakna kawnga coach-a atana a hman Nadal-a patea, Toni Nadal chu Auger-Aliassime team-ah hian a tel a ni.
Djokovic pawh hian Nadal-a nen a ṭum 59-na atana inhmachhawn theihna hun an neihna kawngah hian 15th seed Diego Swartzman chu a hmachhawn leh a ngai dawn a ni.