Mara Autonomous District Council Chairman thlanna MADC Session hall a nimina neihah, N.Viakhu chu MADC term 12-na chairman thar atan thlantlin a ni.
Chairman thlanna hi Protem chairman K.Hrahmo chuan a kaihruai a, Chairman atana nomination file pahnih N.Viakhu leh N.Zakhai-te chu session hall-ah ballot paper an sem hmangin vote an thlak a, N.Viakhu hian vote 13 hmuin N.Zakhai hian vote 11 a hmu thung a ni
Chairman thar lawmpuina thu hi M.Laikaw, BJP leader leh HC Lalmalsawma Zasai, Dy.Leader MNF & INC-ten lawmthu sawina leh beiseina sang tak a laka an neih thu an sawi a, Mara chi leh hnam tan leh house zahawmna atan theihtawp a chhuah an beisei thu an sawi.
Hemi hnu hian N.Viakhu hi a ṭhutna turah BJP leader leh Joint legislature leader-ten an hruai a, N.Viakhu chuan session kaihruai chhunzawmin lawmthu a sawi hnuah Dy. Chairman thlan hun DCA aṭanga an rawn ruat hunah session neih leh a nih tur thu a sawi a, Session chu chawhma dar 11:05 khan tiamchin awm lovin a titawp zui a ni.