French Open khelh mekah World number two Daniil Medvedev chuan straight set-a Facundo Begnis hnehin harsa lo takin second round a thleng.
US Open champion kum 26 mi, Medvedev hian 6-2, 6-2, 6-2-in world no. 103 Bagnis hi a hneh a, second round-ah hian Laslo Djere emaw Ricardas Berankis emaw a hmachhawn leh dawn a, Russian world number one hlui, Medvedev hian nikum khan Roland Garros-ah hian quarter-final a thleng a, hemi hmaa Paris-a a inlan tawhnaah ṭum 4 ngawtah first round-ah a lo tla tawh a ni.
Hetihlai hian 2021 Wimbledon semi-finalist 14th seed Denis Shapovalov chuan Danish kum 19 mi, Holger Rune laka 6-3, 6-1, 7-6 (7-4)-a chak lovin a tla thung a ni.
Hmeichhe lamah Czech eighth seed Karolina Pliskova chuan set hmasa ber a hloh hnuah French wildcard Tessah Andrianjafitrimo chu 2-6, 6-3, 6-1-a hneh letin second round a lut a, Danielle Collins pawhin 6-0, 6-4-a Viktoriya Tomova hnehin first round a paltlang bawk a, champion hlui Jelena Ostapenko pawh 6-1, 6-4-in Lucia Bronzetti lakah a chak bawk.
Warning: Undefined variable $post in /home/lahj9ae7in9c/public_html/wp-content/themes/newsup/inc/ansar/hooks/hook-index-main.php on line 117