Skip to content
Home » Chanchinthar » Health Minister-in CT Scan khawl thar leh Oxygen Plant thar a hawng

Health Minister-in CT Scan khawl thar leh Oxygen Plant thar a hawng

Health Minister Dr R. Lalthang-liana chuan nimin khan Civil Hospital, Aizawlah CT Scan khawl thar leh 500 LPM Oxygen Plant thar a hawng a, Minister hi H&FW Board Vice-Chairman Dr ZR Thiamsanga, MLA leh Health Official-ten an ṭawiawm a ni.

Nimin hawn tak CT Scan khawl thar hi ₹2,37,42,600/- man niin, 64 slice CT Scan Machine (Model: SOMATOM go.Up) a ni a, Siemens Healthcare Ltd., Germany te supply leh install a ni, a leina sum hi “Strengthening of Health Infrastructure for Comprehensive Response to Possible Outbreak of Covid-19 in Mizoram” Project hnuaia Ministry of DoNER aṭanga hmuh a ni.

Oxygen Generating Plant hi chu Ministry of DoNER hnuaia North East Special Infrastructure Development Scheme (NESIDS) Project “Strengthening of Health Infrastructure for Comprehensive Response to Possible Outbreak of Covid-19 in Mizoram” kaltlanga bun a ni a, 500 LPM (litres per minute) niin, hemi atan hian ₹110,00,000/- hmuh a ni.

Doctors’ Seminar Room, CHA a hawnna inkhawm buatsaihah Health Minister CT Scan khawl thar bun chungchangah technical thil eng eng emaw buaipui ngai a tam avangin duh angin hma an la chak thei tih sawiin, mipuite pawhin kan nghakhlel tih an hriat thu leh hriatthiamna nena an nghah avangin lawmthu a sawi.

Oxygen Plant thar bun thar 500 LPM hi chuan tun dinhmuna an mamawh ang zat a phuhru thei tura an ngaih thu leh, a ṭul huna thla vengah 200 LPM neihsa pawh a rin theih dawn a, damloten an khum aṭanga awlsam taka oxygen an hip theih nan oxygen pipeline pawh tihchangtlun zel tum a ni, a ti bawk.

Leave a Reply

This site uses Akismet to reduce spam. Learn how your comment data is processed.