Home » Chanchinthar » RD Minister-hovin PMKSY 2.0 kalpui chungchang District tina Officer leh staff-te nen sawiho

RD Minister-hovin PMKSY 2.0 kalpui chungchang District tina Officer leh staff-te nen sawiho

Nimin khan Rural Development Minister Lalruatkima chuan video conference kaltlangin Pradhan Mantri Krishi Sinchayee Yojana Version 2.0 chung-changah district tina officer leh staff-te meeting a neihpui.

Minister chuan thu sawiin Project ruahmanna atan hian sawrkar chuan fund hmahruai ṭhenkhat a dawng tawh tih tarlangin, hemi atan inbuatsaih ngai hrang – a hnathawktu lak leh training-te pawh kalpui chhoh mek a nih thu a sawi a, ṭhahnemngai leh rotling tura hnuhma nei turin thawktute a chah a, PMKSY Version 2.0 hnuaia hnathawhte hi Central, State, District leh Project Level-ah kalphung mumal tak Union Ministry-in a rawn siam anga kalpui a, document felfai taka vawn leh heng bakah Computer Software application MIS, GIS leh PFMS-te data mumal taka dahluh a nih thu sawiin, kumin a hnathawh tur lo awm zelah pawh fimkhur leh uluk taka document zel turin a chah bawk.

Meeting-ah hian Annual Action Plan-te thlirho a nih bakah sawihona hrang hrang neih a ni a, he hunah hian RD Director R.Laltha-uala leh Joint Director K.Lalhmuakliana ten Minister hi an telpui a ni.

PMKSY WDC 2.0 hian Common Guidelines fel tak neiin, hemi behchhan hian hna pawh thawh ṭhin a ni a, he project-in a tum bulpui ber chu “Land Base Development” a ni a, kan ram chhe tawh te, ram ṭha lai vawn him te, tui hna siam leh humhalh te, leilung kal ral tur leh a dang tam tak a hmalak a ni. Heng atan hian Major Activity hrang hrang – Land Development, Soil & Moisture Conservation leh Water Harvesting Structure te hi kalpui a ni. Project tuam chin khua amite zingah mi chhumchhia leh hmeithai, eizawnna mumal neilo eizawnna ruahman sakin SHG leh mimal ang te hmangin bul a ṭanpui ṭhin a ni.

PMKSY-WDC 2.0 hnuaiah hian Project khat zelah 2000ha aṭanga 2500ha a zau a hmalak a ni a, hectare khat hi ₹28,000 zela chhut a ni a, Project sum hi Central leh State-in 90:10-in an intum sem a, he project hian distict tin tuamin, block 18 leh village 47 lai a tuam a, micro watershed 90 lai siam tura ruahman a nih bakah, a vaia area (total area for treatment) hi 44600Ha a zau a ni.

Leave a Reply

This site uses Akismet to reduce spam. Learn how your comment data is processed.