Inrinni khan Champhai district a Mualkawi khaw pa pahnih chu savawmin a seh a, damdawiinah enkawl mek an ni.
Inrinni chawhnu dar 3 – 4 inkar vel khan Champhai District-a Mualkawi aṭanga hla lo te, Mualkawi khaw hmun hlui, Khawtinnghawr ram an tihah Panliana kum 56 leh Lalrithanga kum 57-te chu Savawmin a seh a, Champhai District damdawi-inah enkawl mek an ni.
Thulakna tarlan danin he mite pahnih hi Mualkawi rama Maubuang chulramah chawhmeh la-in an kal a, an lo hawng lam chu kawng thlang aṭanga savawm lo chhuak chho chuan an pahnih hian a bei ta a, an hmui, hmai leh ke-ah te hliam tuar a ni. Savawmin a sehna hmun aṭangin Mobile Phone hmangin tawhsual an tawh thu an chhungte an hrilh a, chumi hnuah Mualkawi khua aṭangin an va hruai ta a; Champhai District Hospital pan pui an ni ta a ni.
He’ng damlote hi nimin tlai khan Champha DFO Lalduhthlana leh Champhai District Honorary Wildlife Warden Lalhlupuia te’n Champhai District Hospital-ah ₹5,000/- ve vein an kan a ni. Mualkawi ram chhung-ah hmun ṭhenkhatah hian Savawm ram tla tunlai hian an hmu ṭhin niin thulakna chuan a tarlang bawk.