Home » Chanchinthar » Serchhip Police-ten Heroin man

Serchhip Police-ten Heroin man

Niminpiah (12.5.2022) tlai dar 5:30 vel khan Serchhip Police District Special Branch team chuan Heroin grams 64.21-a rit leh he thila inhnamhnawih nia hriat mi 4 an man.

Serchhip DSB team hian an thudawn bawhzuiin, Aizawl aṭanga Serchhip khawchhunga tihral tura car hmanga an rawn phurh chhoh, Heroin sahbawn bawm pangaa dah leh a neitua puh Lalchhuani (54) chu Kikawnah an man a, ani bakah hian a Heroin lâknaa a thurualpui nia hriat mi pathum – Vanlalhluna (25), Kawn Veng, Keiṭum, Lalsangpuia (29), Saron Veng, Serchhip leh Mesak Lalremruata (21), Saron Veng, Serchhipte pawh man tel an ni bawk a, ruihhlo kaihhnawiha mante hi Serchhip Police Stationah ND&PS Act hnuaiah thubuai siamsak an ni.

Heroin man tak hi tualchhung rate-ah cheng nuai 1.5 man hu leh International market-ah cheng nuai 32 man hu nia chhut a ni.

Leave a Reply

This site uses Akismet to reduce spam. Learn how your comment data is processed.