Skip to content
Home » Chanchinthar » Siaha District BJP president-in INC nen inbiakna leh inremnafel tak an nei hman niin a sawi

Siaha District BJP president-in INC nen inbiakna leh inremnafel tak an nei hman niin a sawi

Siaha District BJP President, M.Laikaw, MDC chuan Mara Autonomous Distric Council (MADC)-a sawrkarna an siam theih loh chungchang sawiin, INC nen inbiakna leh inremnafel tak an nei vek tawh a, Agreement statement sign mai tura thu an dah hnuah INC lam chuan MNF an thawhpui tur thu an hrilh leh ta a ni, a ti

Nimina Siahaa thuthar thehdarhtute a kawmnaah he thu hi sawiin, M.Laikaw chuan MADC-ah MNF leh INC sawrkar thar a piang tur chu an lawmpuiin Pathian remruatah an ngaia an pawm thlap tih a sawi a, opposition a ṭhu turin an inbuatsaihfel tawh a ti a, hetihlai hian an policy pui ber Sixth scheduled Amendment chu an ûmzui zel dawn a ni, a ti.

Party angin MNF nena thawkho tura inbiakna an neih loh thu sawiin, an policy zawmpui nia an ngaih INC hruaitute nen inbiakna ṭha tak an nei a, hei hi an hotute lam rilru hre reng mahse, Mara dinhmun leh sawrkar pianglo ringawta awm chu thil ṭha a nilo tih an hriat avanga he sawrkarna siam tur hian hma an la hlawm a ni, a ti bawk.

He press meet-ah hian M.Laikaw hi K.Hrahmo, MDC, MH.Tiabi, MDC leh Delson Notlia, National Secretary BJP leh hruaitu dangten an ṭawiawm a ni.

Leave a Reply

This site uses Akismet to reduce spam. Learn how your comment data is processed.