Zothlifim Logo
Loading ...

Mizoram BJP chuan thuchhuah siamin, MADC election campaign-a lo kal, union minister John Barla chu May 3, 2022 khan a haw thla tur, Mizoram sports minister Robert Romawia nen Lengpui Airport-ah an inhmu a, union minister hian sport minister hi a zilh niin an tarlang.

BJP-in thuchhuah an siamah chuan union minister hian Siaha district hmun hrang hrang a tlawh thu leh, kawng chhia a tam hle thu a hrilh a, Siaha district tana central-in state sawrkar kaltlanga pawisa a pek tam tak ngaihtuahin mipuite
khawsak, ei leh bara dinhmun a la ngaihtuahawm hle thu hrilhin, Mizoram sawrkar chu buaipui hmasak tur zawk buaipui ṭhin turin, tlang takin a zilh niin an tarlang. Sports Minister-in “Mizoram pum Minority kan ni” tia a sawi ve ngawt pawh hi Ministry in Minority area a sawi dan nilo, thudiklo a ni an ti a, hemi chungchang hi a changtu Minister chu zirchianga sawifiah turin an phut nghal bawk a ni.