Skip to content
Home » Chanchinthar » Bayern-in Mane lei an dilna Liverpool-in an hnawlsak

Bayern-in Mane lei an dilna Liverpool-in an hnawlsak

Liverpool chuan Bayern Munich-in £30m-a Senegal forward Sadio Mane lei an dilna chu an hnawlsak.

Bayern Munich hian £25m-a lei an dilna hnawl a nih hnuah an rawn kir leh a, mahse Reds hian an lo la pawmsak duh lo a, Liverpool hian kum 30 mi, Mane manah hian Bayern Munich-in kum 33 mi, Robert Lewandowski man atana an chhiar zat £42.8m (Euro 50m) vel a duh ve a ni.

Mane hian kum 2016 June thlaa Southampton aṭanga £36m-a Liverpool a pan hnu khan Liverpool tan goal 120 thunin, 2019-a Champions League leh 2020-a Premier League an chawi theih nan a thawhhlawk hle a ni.

Kum 2018 khan Liverpool-a a contract a pawtsei a, a contract neih lai hi season lo awm leh tur tawp thleng daih khi a ni.

Liverpool hian Egyptian star Mohamed Salah hmalam hun chungchangah pawh enge an hmachhawn tur tih a hriat loh a, ani pawh hi kum 2023 nipuiah free agent a ni dawn a, Salah hian season thar chu Liverpool-ah a la awm dawn tih a sawi a, mahse Barcelona chuan season lo awm leh tur tawpah free transfer-a lakluh an tum niin sawi a ni.

Leave a Reply

This site uses Akismet to reduce spam. Learn how your comment data is processed.