New Delhi-a cham mek Dr. R.Lalthangliana, Health & Family Welfare, Commerce & Industries, Higher & Technical Education changtu Minister chuan a department hmachhawp thil hrang hrang bawhzuiin sawrkar laipui a dawr chhunzawm.
Dr. Thangtea hian Mizoram State Health Care Scheme-in harsatna a tawh mek chungchangah te, Kawr-puichhuah – Thekamukh inkar inkalpawhna tur lei dawh tura tih chuan hun a la mamawh deuh dawn avangin tun atana lo hman lailawk tur cargo ship vessel (bungraw phur lawng tenau) mamawh a nih chungchangah te, Mizorama oil leh gas laih chhuah dan tur kum tam tak buaipui tawh, a hlawhtlinna hmuh tur la awm lo chu a tak ram a theih nana zirchianna nei tur te, Silsuri leh Indo-Bangladesh border hmun hrang hranga border haat-te a rang thei ang bera hna thawh theih dan tur ngaihtuah turten sawrkar laipuia hotu hrang hrangte a dawr kual a ni.