Zothlifim Logo
Loading ...

Tunlaia Mizorama ruihhlo (Heroin) hluar mekah ṭhalai naupang zawkte he ruihhlo laka an fihlim theihna tur atan Serchhip Ṭhalai Pawlin Serchhip town chhunga Middle School chin chung lama Drugs Awareness Campaign kalpui an tum meka inbuatsaihna atan nimin khan Serchhip Press Club-ah Serchip Ṭhalai Pawl chuan ‘Training of Trainers’ a buatsaih.

He training-ah hian an pawl president T.Biakchamliana chuan training an buatsaih chhante leh inhme-lhriattirna hunte hmangin, Resource person Darṭha-kunga, P.O, NACO chuan ruihhloin mihring taksa leh rilru a khawih pawi dan te, chhungkua, khawtlang leh ram a nghawng dante leh HIV/AIDS chungchang te, ruihhlo ngaite enkawl dan chungchangahte zirtirna a pe a ni.

Serchhip Ṭhalai Pawl hian kumin June ni 26-a lo thleng tur, ‘International Day Against Drug Abuse and Illicit Trafficking’ denchhen hian Serchhip town chhunga Middle School, High School leh Higher Secondary School-ahte Drugs Awareness Campaign kalpui ṭan tumin an inbuatsaih mek a, kuminah hian June ni 26 hi Pathianni a nih avangin, June ni 27-ah he campaign hawnna hi an nei dawn a, ruihhlo la ti ve lo ṭhalaite ruihhlo laka an fihlim theihna turin zirlaite hnenah ruihhlo hlauhawmzia leh ṭhat lohzia zirtirna an kalpui dawn a, hemia zirtirna pe turte tan hian nimin khan training hi an buatsaih a ni.