Zothlifim Logo
Loading ...

@ Bayern Munich sporting director Hasan Salihamidzic chuan Poland striker Robert Lewandowski chu a rilru thlaktir tumin hmai chhana hmuh a tum a, hetihlai hian kum 33 mi hian Bayern Munich chhuahsan a la duh reng thung a ni. (SkyGermany)

@ Real Madrid chuan tunhnaiah England forward Raheem Sterling lakluh tumin hma an la a, Barcelona leh Chelsea-te pawhin Manchester City-a a hmalam hun chiang lo tak kum 27 mi dinhmun hi an thlithlai ve reng a ni. (Mirror)

@ Chelsea-in free agent ni mai tur, Barcelona winger Ousmane Dembele, 25, an beiseina a sân tak loh avangin Sterling lam hi an hawi nasa ta deuh a, Dembele hi Paris St-Germain leh Bayern Munich-te pawhin an hel mek a ni. (Sport)

@ Arsenal chuan Raphinha chu Leeds-in a mana an chhiar zat £50m aia hniamin lei an dil ṭan ta a, mahse an dilna hi hnawlsak an nih a rinawm. (Times)

@ Newcastle United-in reims aṭanga lakluh an tum mek, France striker Hugo Ekitike, 20, chu Real Madrid, Bayern Munich leh PSG-te pawhin lakluh an tum ve dawn. (L’Equipe)

@ Hetihlai hian Ekitike hi Newcastle-a £26.5m-a lutfel turin a chawlh hmanna aṭangin a hun hmain a kir tawh a ni. (Chronicle)

@ Barcelona chuan France defender Jules Kounde chu lakluh an duh a, mahse kum 23 mi man atana Sevilla-in an chhiar zat euro 60m (£51.5m) chu pek an tum lo. (Marca)

@ Chelsea chuan Lens leh France full-back kum 29 mi, Jonathan Clauss chu an ngaihven. (Goal)