Thlaleh ni 18-a President inthlanna neih turah NDA chuan an candidate atan Draupadi Murmu-i an ruat a, he thu hi nizan hmasa khan puan a ni a, Draupadi Murmu hi Odisha-a mi niin, Jharkhand Governor pakuana a ni.
Prime Minister Narendra Modi chuan NDA Presidential Candidate Droupadi Murmu chu India President ropui tak a ni dawn a ti a, a nun pumpui chu mipuite tan a lo hlan tawh a ni a ti bawk.
Hetihlai hian Union Minister hlui Yashwant Sinha chu opposition lamin Presidential candidate atan thlang a, New Delhi-a an inrawnkhawm hnuah Sinha hi candidate atan an puang a ni. Opposition party thuchhuah inṭawm siamin, sawrkar chu President candidate thlang turin ngaihtuahna a seng nasa duh lo niin an puh a ni.