Skip to content
Home » Chanchinthar » Hnahthialah Blood Storage Centre leh New Born Stabilization Unit hawng

Hnahthialah Blood Storage Centre leh New Born Stabilization Unit hawng

Health & Family Welfare Minister Dr R.Lalthangliana chuan nimin khan Hnahthial District Hospital-ah thisen dah ṭhatna (Blood Storage Centre) leh nausen piang hlim damlo enkawlna (New Born Stabilization Unit) te a hawng.

Minister chuan Mizoram puma H&FW Department tihchangtlun leh a kaihhnawih ruhrelte ruahmanna kawnga hmalakna kal mekah Hnahthial pawh tihhmasawn zel niin, Hnahthial District mipuite mamawh em em thisen dah ṭhatna leh nausen piang hlim damlo enkawlnate chu ṭangkai taka hman an nih a, hriselna ṭha zawk leh damna an thlen ngei a beisei thu a sawi a. Hnahthial Hospital-ah CMO office sak mek a nih bakah medical test hrang hrang tih theihna tur Integrated Laboratory ruahman tum a ni a ti a, World Bank kaltlangin Strengthening of Health System in Mizoram Project hnuaiah cheng vaibelchhe 280 sengin Mizoram puma health infrastructure tihchangtlun hmalakna nikum aṭanga bulṭan niin chak taka kalpui mek a nih thu a sawi bawk.

Hnahthial District-a thisen pekte dah ṭhat tura Lungleia thawn ṭhin chu he Blood Storage Centre-ah hian dah ṭhat theih a ni tawh dawn a. He centre hi tihchangtlun zela Hnahthial District Blood Bank tur atana hmalak chhoh zel tum a ni a. Nausen piang hlim damlo enkawlnaah hian radiant warmer leh phototherapy unit-te awmin he centre a thawk tur nurse pawh tihfel tawh a ni bawk.

Leave a Reply

This site uses Akismet to reduce spam. Learn how your comment data is processed.