Skip to content
Home » Chanchinthar » MPSC Chairman atan JC Ramthanga lakluh a ni

MPSC Chairman atan JC Ramthanga lakluh a ni

Nimin chawhma khan Durbar Hall, Raj Bhavan-ah Governor Hari Babu Kambhampati chuan JC Ramthanga, IAS Retired chu Mizoram Public Service Commission (MPSC) Chairman atan rinawmna thu tiam tirin a lalut.

MPSC Chairman thar lakluhna hi Renu Sharma, Chief Secretary chuan kaihruaiin he hunah hian MPSC Chairman atana JC Ramthanga ruat a nihna lehkha a chhiar chhuak a, hemi zawhah hian Governor chuan JC Ramthanga chu rinawmna thu tiam tirin MPSC Chairman atan a la lut a ni.

MPSC Chairman thar lakluhna hunah hian Chief Minister Zoramthanga, Speaker Lalrinliana Sailo, Dy. Chief Minister Tawnluia, Cabinet Minister te, Minister te, MLA te, Official-te leh sawm bik mi ṭhenkhat te an tel a ni.

JC Ramthanga hi J.Kailova leh Lalzopuii-te fa 8 zinga mi niin, kum May 7, 1962 khan a piang a, February 27, 1986 khan Jackie Ramthansangi d/o Zairema nen an innei a, Fa 4 neiin tunah hian Mc Donald Hills, Zarkawtah an cheng mek a ni.

JC Ramthanga hi zirna lamah Master of Arts ( History), NEHU, Shillong a ni a, Civil service pathum – Armed Forces Hqrs Civil Service (AFHCS), Indian Police Service (IPS) leh Indian Administrative Service (IAS) ah a tling vek a, ni 21 August, 1989 khan IAS a zawm a, Manipur (Manipur – Tripura) Cadre pek a ni.

Leave a Reply

This site uses Akismet to reduce spam. Learn how your comment data is processed.