MZP Headquarters Serchhip chuan nimin khan thuchhuah siamin, ni 31 May 2022 (Thawhlehni)-a MBSE hnuaia HSSLC result chhuakah Serchhip khawchhunga an zirlaipui Mizo zirlai HSSLC result ṭha neite an chhuangin, an lawmpui tak zet zet tih an sawi a, an kal zelna turah duhsakna hlanin, Zirtirtute chu fakawm an tih thu leh an thawhrimnaah lawmthu an sawi a ni.

Hetihlai hian result ṭha nei zo ve ta lote an tawrhpui thu pawh an sawi a, beidawng mai lova a aia nasa zawka bei leh turin an fuih nghal bawk a ni.