Nimin khan Rural Development Minister Lalruatkima chuan Thingdawl Community Hall-ah Puanṭhui khawl leh Community Fund semna hun a hmanpui.
Lalruatkima chuan, Mizoram Rural Livelihood Mission hnuaiah Rural Development Block 26-ah hmalak mek a nih thu leh Aizawl leh Lunglei District-ah pawh bul ṭan a nih thu a sawi a, hmeichhiate dinhmun chawikan nana eizawnna ngelnghet leh rintlak siam tura Self Help Group member-te hnena pawisa puktirte chu tipung a, chhungkua tihhmasawn nana ṭangkai tak a hmang turin a chah a ni.
MzSRLM CEO H.Lal-chhandami chuan Thingdawl RD block hnuaiah SHG 400 awmin member 3059 an awm mek thu a sawi a, eizawnna ngelnghet nei tur a thiam thil hrang hrang inzirtir chu MzSRLM hnathawh zing a pawimawh tak a nih thu a sawi.
Nimin khan Sekibuh-chhuak Cluster Level Federation hnuaia Village Orga-nisation 6-a SHG 19 hnenah leh Intodelh Cluster Level Federation hnuai a Village Organization 4 a SHG 8 hnenah Community Fund cheng nuai 47.5 semchhuah a ni a. Community Enterprise Fund hi SHG member 6 te hnenah cheng nuai 5.53 sem chhuah a ni bawk.