Deprecated: Function is_staging_site is deprecated since version 3.3.0! Use in_safe_mode instead. in /home/lahj9ae7in9c/public_html/wp-includes/functions.php on line 6078
Sangha bomb-tute pawisa chawitirin chhuah – Zothlifim
Deprecated: Function is_staging_site is deprecated since version 3.3.0! Use in_safe_mode instead. in /home/lahj9ae7in9c/public_html/wp-includes/functions.php on line 6078
Zothlifim Logo
Loading ...

Chief Judicial Magistrate, Mamit chuan May 20, 2022-a thiam loh a chantir tawh mi 4 –Hreuthangpuia, Chuauthantluanga, Lalrikhuma leh Lalchawimawia te hremna chungchang chu June ni 3, 2022 khan a ngaihtuah a, court chuan dan an bawh-chhiat avangin ₹550/- ṭheuh chawitirin a chhuah.

Kum 2020, November ni 21-a Phaizau khawtlang lui humhalh laia bomb hmanga Sangha mana puh, Mamit Chief Judicial Magistrate-in thiam loh a chantir mi 4-te chu jail tâng loin, pawisa a chawitir a, pawisa an chawi zawng zawng hi a hmaa VC leh NGO te hnena an lo pek tawh nen, ₹12,200/- a tling.

Thil tisualtute chu khawtlang humhalh thil venghim tur an nih laiin, a tisualtu (sangha man phallohna hmuna man) an nih avangin, an tihsual man phutawk hremna pek theih an nih thu court order-ah chuan tarlan niin, hetihlai hian thil tisualtute chu khawtlang tana mi hnawksak an nilo a, tum reng vanga thil tisual niloin, MLA leh a thuihhruaite lo lawm nana ti an nih thu te, Phaizaua cheng, khawsak harsa tak tak an nih bakah, an tihsual manah ₹10,000 an chawi tawh thu te tarlan a ni.

Section 23(2) of the Mizoram Forest Act 1955 ah chuan, an dan bawhchhiat chu ₹50 thleng chawi theih emaw, an thil tihchhiat a zirin, ₹25 man aia sang a nih chuan chawi thei zat a pun belh ang tih a nih thu te, Section 24(6) of the Mizoram Forest Act ah chuan thla 6 thleng tan emaw ₹500 chawitir emaw a pahnih a hrem kawp theih a nih thu te court order ah chuan tarlan a ni bawk.

An thil tihsual leh a tisualtute dinhmun enin, VC leh NGO te hnena a tisualtu ten an lo chawi tawh te nen, thil tisualtu mi 4 te chu ₹50 Section 23(2) MFA bawhchhiat avang leh ₹500 Section 24(6) MFA tho bawhchhiat avangin chawi tur a tih an nih thu tarlan a ni bawk.