Paul Pogba chuan June thlaaa Manchester United-a a contract a hman zawh hunah free transfer-in a chhuak dawn tih club chuan a tichiang.
Kum 29 mi, Pogba hi kum 2016 khan Manchester United chuan khawvela player man to ber ni turin £89m-in an lakir a, Manchester United-a a awm ṭum hnihnaah hian a season tawp berah hian hliamin a tibuai hle a, match 27-ah chiah United tan a inlan thei a ni.
Pogba hian kum 2009 khan French club, Le Havre aṭangin kum 16 mi lek niin, United academy a zawm a, United tan game 200 chuang khelin, kum 2011 khan Youth Cup pawh chawipui a, mahse senior team-ah ṭum 7 chiah inlanin, kum 2012 July thlaa a contract a tawp khan Juventus a pan a, Turin-ah hian major trophy 8 ngawt a chawi a, heng zingah hian Serie A title 4 a tel a, hemi hnu hian United lamah kir lehin, a season hmasa berah EFL Cup leh Europa League-te a chawi a, mahse an manager Jose Mourinho nen an inmil lo a, vice captain a nihna pawh 2018 khan hlihsak a ni a, hliamin a tibuai zui a, United-a a hun hnihnaah hian match 233 a inlanah goal 39 chiah a thun a ni.