Wimbledon khelh mekah fifth seed Maria Sakkari chuan straight set-a Zoe Hives hnehin nuamsa takin second round a lut.
Kum 26 mi, Sakkari hian qualifier kum 25 mi, Hives hi 6-1, 6-4-in a hneh a ni.
2017 French Open champion, Latvian 12th seed Jelena Ostapenko pawhin straight set 6-4, 6-4-a Oceane Dodin hnehin Second round a lut bawk.
9th seed Cameron Norrie pawhin 6-0, 7-6 (7-3), 6-4-a Pablo Andujar hnehin second round a lut a, Norrie hian vawiinah Jaume Munar a hmachhawn leh ang.
World number 4 hlui Caroline Garcia pawhin British wildcard Lily Miyazaki chu 4-6, 6-1, 7-6 (10-4)-a hnehin second round a invaw kai hram a, Garcia hian second round-ah US Open champion Emma Raducanu a hmachhawn leh dawn a ni.
Mipa lamah World number one hlui, tuna rankinga 52-na ni mek, Andy Murray chuan James Duckworth chu 4-6, 6-3, 6-2, 6-4-in a hneh hram a, kum 35 mi, Murray hian second round-ah 20th seed John Isner a hmachhawn dawn a ni.
Hetihlai hian men’s singles-a champion thei tura rinkai zinga mi, 8th seed Matteo Berrettini chu Covid-19 test-ah a positive avangin a inhnukdawk a, kum 26 mi hi nikum khan final-ah Novak Djokovic lakah a tlawm a, tun hnai khan Queen’s title a la a ni.