Zothlifim Logo
Loading ...

Chief Secretary Dr. Renu Sharma hova nimina Samagra Shiksha Executive Committee ṭhutkhawmnaah kum kum 2018-23 chhungin Mizoramah school 52 hawn thar tura ruahman a ni a, tun academic session 2022-23-ah hian school 17 hawn thar tura ruahman a ni tih tarlan a ni.

Nimina Chief Secretary Conference Hall-a ṭhutkhawmah hian Samagra Shiksha State Project Director Lalhmachhuana chuan Samagra Shiksha hnathawhte tarlangin, NEP 2020 tihhlawhtlin nan School dinhmun teh chhuahna tur standard setting and accreditation chu MBSE bawhzui tura thuneihna pek a nih tawh thu te, Group of Expert for NEP din a nih thu te, Task Force on NEP 2020 te, Study Group on NEP 2020 din a nih thu te, NEP 2020 chu Mizo ṭawnga lehlin a nih thu leh SCERT Official website-ah dah a nih thute a sawi a, kum 2022-23 aṭangin Primary School-ah KG class hawn a nih thu te, pre-school zirlaibu atan Zirtirh Bu leh Nambar bu siam a nih thute tarlan a ni bawk.

Meeting-ah hian hma-lakna hrang hrang tarlan niin, zirtirtute intuai hriam nan NISTHA training-ah secondary teacher-te an inziah luh ṭhat a pawimawh thu pawh sawi a ni a, meeting hmasa thurel leh bawhzuinate chu pawm a ni a, kum 2021-22 sum audit turin Chartered Accountant firm thlan a ni bawk.