Assembly nei dawn
Serchhip Sazuar Association chuan vawiin hian Hmar Veng YMA Hall-ah Assembly an hmang dawn a, hetah hian MJA, Serchhip District kaihhruaiin an hruaitu thar tur an thlang nghal ang.
Vawk 4 thi leh
Nimin Serchhip District chhung N.Mualcheng leh Khawlailung-ah African Swine Fever (ASF) vangin vawk 2 ve ve thi lehin, Lungchhuan khuaah hri leng avang hian nimin vek khan vawk 4 suat (Culled) leh a ni bawk a, AH & Vety Department chhinchhiah danin hri leng thawh hnihna len hnuah Serchhip District chhunga vawk hri lenna hmun (infected area)-ah ASF vangin vawk 280 a thi tawh a, vawk 376 suat a ni tawh a, hrilen lohna hmun (Infected Area nilo ah)-ah vawk 24 thi tawhin vawk suat 51 a ni tawh bawk.
Sawrkar phût
Thawhṭanni zana Sakawrdai VC leh All NGO ṭhukhawm chuan an khuaa sawrkar Office-a post ruakte a rang thei ang bera hnawhkhat tura sawrkar an phut thu an sawi.