Zothlifim Logo
Loading ...

India hmarchhak state hrang hrang zirlai pawlte inzawmkhawmna, North East Students Organisation (NESO)-in hmarchhak puma lungawi lohna lantir (NE Statewide Protest) neih tura a lo rel tawh angin nimin chhun dar 12 khan Mizoram-ah pawh MZP Gen. Hqrs. Aizawl chuan MZP Confe-rence Hall-ah hun a hmang.

He Sit-in Protest hun hi MZP Gen. Hqrs. President Lalnunmawia Pautu chuan a kaihruai a, NESO Finance Secretary Ricky Lalbiak-mawia chuan lungawi lohna lantir a nihna chhan hrang hrangte sawiin, North East-in time zone hran a mamawh thu leh India sawrkar laipuiin Myanmar raltlante hamthat-na tha zawk pe a, an ram buaina a reh hma chuan chenna, ei leh in bakah naupangte zirna ngaihtuah-sak tura India sawrkar laipui ngenna-te a tel thu a sawi.

NESO thil phut zingah hian Armed Forces (Special Powers) Act (AFSPA) 1958 hlih te, Citizenship (Amendment) Act, 2019 hlih te, North East chhunga state ramri leh International ramria harsatna awmte a rang lama sutkian te, North East mite tan hnam leh nunphung (culture) mila Educational policy duan bakah, North East-ah University, technical and vocational institute, medical and engineering colleges leh research centre a tam thei ang ber din belh te, college leh university-ah hetiang lam zirna course dah belh te a tel a.

Hei bakah hian India sawrkarin hmarchhak bialte ei leh bara an intodelh nan, Economic development policy tha tak duang tura an phutna te, Act East Policy atan hmarchhak bialah ngei administrative centre dah tura an phutna te, sawrkar laipuiin hna neilo (unemployment)-a harsatna sukiang tur lej, NE special employment Zone puang a, Central office hrang hranga grade III & IV hnate chu a state mi leh sate tan dah tura an phutna te, India Contistution-ah NE mipuite tan ram leilung hausakna chungchangah ‘special constitutional status’ siam tura an phutna te a tel a ni.

He NE state wide protest hi hmarchhak state hrang hrangah kalpui a ni.