Skip to content
Home » Chanchinthar » Hri vanga vawk thi compensation pek a nih theih nan hma lak mek a ni:AH&Vety Minister

Hri vanga vawk thi compensation pek a nih theih nan hma lak mek a ni:AH&Vety Minister

AH&Vety Minister, Dr. K.Beichhua, MNF Adviser ni bawk chuan, “Hri vanga thi vawk compensation pek a nih theih nan hmalak mek a ni,” a ti.

Nimin khan Mizo Hnam Run chhung inkhawm hun hnihnaah Dr. K.Beichhua chuan he thu hi sawiin, “Kan sawrkar tirhin sa kan mamawh aṭanga za zela 36 chauh kan thar a. Kan chawhmeh duh ber vawksaa intodelh turin ramdang aṭanga vawk lakluh kan khap a. Hei vang hian ṭhalai tam takin ‘vawk farm’ an buaipui a ni. Vawk pul hri vangin kan buai ta a. Vawk suat compensation dil hmasa ber leh sem hmasa ber state kan ni,” a ti a, AH&Vety department hnuaia project thehluh thar engemaw zat chu Central lamain an pawmsak tih a sawi bawk.

MNF Adviser chuan, “Kum 60 chhung tluang taka MNF hruaitu hi Pathian a ni a. Hun khirh leh harsa kan tawhte hi hun lo la awm tur atana Pathian min tahhriamna a ni a. MNF MLA-te an bial ngaiah dinhmun ṭhalo an awmlo a, chuvangin inthlanpui lo awm leh turah kan sawrkar leh ngei dawn a ni,” a ti a, “Hun khirh leh harsa taka ro min reltirtu Pathian hian, hun pangngaiah ro min reltir leh ngei ang,” a ti a, “Pathianin mipuite vote hmanga a ruat sawrkar a ni a, he sawrkar sawisel leh diriamtute hi Pathian ruat pawm lotute an ni,” tiin, “Chief Minister leh Minister dangte thawhhona a ṭha em em a, thawhhona chungchangah hian sawiselna tur hria an awmlo, thiamna sang tak nei MLA-te thawhhona a ṭha em em a ni,” a ti bawk.

1 thought on “Hri vanga vawk thi compensation pek a nih theih nan hma lak mek a ni:AH&Vety Minister”

Leave a Reply

This site uses Akismet to reduce spam. Learn how your comment data is processed.