IOCL-in revised Retail Selling Price a tihchhuah angin, Mizoram chhungah LPG 14.2 KG (Domestic) leh LPG 19 KG (Commercial) rate chu bithliah thar a ni a, FCS&CA chuan order tichhuakin he rate thar hi May ni 1, 2022 aṭanga hman ṭan a ni a, rate tharah chuan Mizoram pumpuiah (Vairengte tih loh)-ah 14.2 Kg. domestic chu ₹1255.00 niin, 19 Kg Commercial chu ₹2307.00 a ni a, 19KG XtraTeJ chu ₹2,329.50 niin, 10 KG Composite chu ₹899.50 a ni.
Vairengteah chuan 14.2 Kg. domestic chu ₹1246.00 niin, 19 Kg Commercial chu ₹2291.50 a ni a, 19KG XtraTeJ chu ₹2,314.00 niin, 10 KG Composite chu ₹890.00 a ni.
Domestic rate tarlante hi Aizawl Municipal Area leh District Hqrs.-ahte ‘home delivery’ kalpui tawh tur a nih avangin ₹70.00 aia tam lo belh zel tur a ni a, Godown-a hralh erawh chuan ₹29.26 zel paih thung tur a ni a, Home Delivery-a kalpui thei lo veng, point delivery kalpuinaah chuan ₹7.53 belh zel tur a ni a, LPG Distributor tinte chawm tur khuate chu sawrkar thupek angin a hlat zawng leh pawisa chawi belh ngai zat tarlan hmangin a chunga rate tarlan aṭanga chhut-chhuakin sem ṭhin tur a ni.