Central YMA hruaituten TJ Lalnuntluanga, Transport Minister chu a office chamber-ah nimin khan hmuin, two wheeler taxi-a ruihhlo sem kual ṭhin report an dawn chung-chang an sawipui a, Minister hian a theih anga hmalak zuia, hemi chungchang hi Transport Department te a lo sawipui tur thu a lo hrilh a, an meeting hian Transport Department leh CYMA ṭangkawpa two wheeler taxi neituah awareness campaign nei tura hmalak nise an ti a, hetiang tiṭhin two wheeler taxi khalh man chhuah an awm a nih chuan an permit cancel thlenga hmalak pawh a ngaih theih thu a sawi a ni.
Hemi bakah hian Forest Reserve area chhunga dan lova thingzai thin an awm thu pawh sawilan niin, hemi chungchang pawh hi Forest department a thawktute nen theihtawpa ṭanlak an tum thuin a chhang bawk a ni.