Skip to content

GIM hnuaia hnathawh chhui chiang tura ngenna FIR thehlût

Green India Mission (GIM) hnuaia Chhiahtlang Village Forest Development Committee (VFDC) hminga hnathawhna kalpui-naah eirukna awm ngei nia a hriat avangin nimin khan R.Lalfamkima, Chhiahtlang Chanmari chuan Serchhip Police Station-ah hemi chungchang chhuichian a nih theih nan FIR a thehlut.

R.Lalfamkima’n FIR a thehluha a tarlan dan chuan RTI Act hmanga a zawhna chhanna aṭanga mipuite nen GIM hnuaia hna-thawhte an thlirin thil fello a awm ngei nia an hriat thu a tarlang a, hnathawhna hmun sawi ṭhenkhatah hnathawhna hmuh tur a awm lo niin a tarlang a, Chhiahtlang VFDC Secretary nen an inkawmnaah RTI zawhna chhannaa sum hmuh leh hnathawh tawhna tarlan angte chu sum dawn a nih loh thute a sawi bawk avangin thil fello lian tak leh eirukna a awm ngei nia an hriat avangin, hemi chung-chang chhuichiansak turin ngenna a thehlut ta tih a tarlang.

R.Lalfamkima chuan FIR a thehluh hi Serchhip Police-ten Anti Corruprion Bureau (ACB) lamah an thawnsak dawn niin a sawi a ni.

Leave a Reply

This site uses Akismet to reduce spam. Learn how your comment data is processed.