IOCL-in revised Retail Selling Price a tihchhuah angin, Mizoram chhungah LPG 14.2 KG (Domestic) leh LPG 19 KG (Commercial) rate chu bithliah thar a ni a, FCS&CA chuan order tichhuakin he rate thar hi March 9, 2024 atanga hman tan a ni a, rate tharah chuan Mizoram pumpui (Vairengte tih loh)-ah 14.2 KG Domestic chu Rs.955.00 a ni a, 19 Kg Commercial chu Rs.2,257.00 a ni a, 19KG XtraTeJ chu Rs.2,279.00 niin, 10 KG Composite chu Rs.688.00 a ni.
Vairengteah chuan 14.2 KG Domestic chu Rs.946.00 a ni a, 19 Kg Commercial chu Rs.2,243.00 a ni a, 19KG XtraTeJ chu Rs.2,265.50 niin, 10 KG Composite chu Rs.678.50 a ni.
Domestic rate tarlante hi Aizawl Municipal Area leh District Hqrs.-ahte ‘home delivery’ kalpui tawh tur a nih avangin Rs.70.00 aia tam lo belh zel tur a ni a, Godown-a hralh erawh chuan Rs.33.43 zel paih thung tur a ni a, Home Delivery-a kalpui thei lo veng, point delivery kalpuinaah chuan Rs.7.53 belh zel tur a ni.
LPG Distributor tinte châwm tur khuate chu sawr-kar thupek angin a hlat zawng leh pawisa chawi belh ngai zât tarlan hmangin a chunga rate tarlan atanga chhût chhuakin sem thin tur a ni.