Chief Minister Lalduhoma chuan Chawlhni khan Aizawl Treasury-te tlawhin, sawrkar tangka kum 2023-2024, buaina awm lova khar fel a ni chu lawmawm a tih thu leh sum renchem leh daihzai taka hman a ngaih thu a sawi.
Chief Minister hian sawrkar tangka kum, kum 2023-2024 Financial Year ni tawp ber chu Chawlhni khan Aizawl North Treasury leh South Treasury tlawhin, Aizawl Treasury hnathawh dan a enfiah a, harsatna leh buaina awm lova tangka kum tha taka khar fel a ni chu lawmawm a tih thu a sawi a, sum neih ang angte renchem tak chung leh daihzai taka hman a ngai a ti a, Treasury-a thawktute thawhrimna fakawm a tih thu a sawi bawk.
Chief Minister hi Vanlalfaka, Treasury Officer, Aizawl North Treasury chuan a lo dawngsawng a, Chief Minister hi Adviser to CM (Finance) TBC Lalvenchhunga, Principle Secretary Finance, Vanlalchhuanga, Secretary, Finance Lalthansanga, Chief Controller of Account Vanlalsawma-ten an tawiawm a ni.