Nimin chawhnu khan Lalvensanga (20) S/o Vanlalpeka leh Lalmuanzuala S/o Lalvawnliana (L), Serchhip Chhim ve ve-te chu Chhiahtlang daia NH-54 Thinghmun kawnah bike-a chesualin an boral.
Thudawn danin nimin chawhnu inkhawm ban khan Serchhip atanga Km 20 vela hla, Chhiahtlang dai Thinghmunkawn phei, NH-54 kawng siam tharah anmahni Bike ve ve-in an tlan a, an chetsual dan tak hi sawi chian theih ni lo mahse, a hma zawng ve ve-in na takin an insu nia sawi a ni a, thudawnna pakhat chuan an intlansiak a, a tlan chak zawk kual leh lam hi pakhat zawk hian a su niin a sawi a, an chetsual hnu hian damdawi in panpui ni mahse an hliam tuar loin an boral a, nunna chân ta te hi an nu-te unau niin, an ruang hi nizan khan an mahni chenna in ve ve ah lumenpui an ni a, vawiin hian hmun khatah vuina hun hman a ni ang.