Zothlifim Logo
Loading ...

Serchhip District Fish Farmers Association chuan tunhnai khan thuchhuah siamin, fur intan mekah Sangha Chi zuar/Supply an rawn awm leh tan dawn a, Serchhip District huamchhungah Sangha chi thalo tuman zuar lo turin an ngen a, Association-in Sangha chi tha a ni tih an Certified loh chu zawrh phal a ni lo an ti.

Thuchhuah an siamah sangha chi tha lo hi sangha dil neiten kumtluana an thawhrimna holam taka chantir theihna a nih avangin Sangha chi thalo zuar/supply hriate chuan Serchhip District Fish Farmers Association hruaitute hnenah emaw, Ph. No. 9436376265-ah emaw hriattir turin an ngen a, Serchhip District chhunga sangha chi zuar turte chu District Fish Farmers Association-in Sangha chi tha a ni tih an Certified loh chu zawrh phal a ni lo an ti bawk.

Serchhip District Fish Farmers Association hian member inlaktharna hun an hawng mek a, hemi rual hian Sangha Dil neite tan District Fisheries Development Officer (DFDO)-te nen inthurualin Farmer’s Card thar dilna hun an hawng mek bawk. Membership Fee Rs.100/- leh Farmers Card siamna tur50 hi May thla chhung pek theih a, Farmers Card hi kum 2 a dam ang.


Mizoram sawrkarin sangha chi subsidy-a sem chhuah leh a tum mek a, Serchhip District bikah chuan Indian Major Carp (IMC) hi an thatpui lo nia an hriat avangin Common Carp leh Grass Carp chauh sem a nih theih nan thuneitute hnenah ngen nise an ti a ni.