Zothlifim Logo
Loading ...

MFA Inter-District Senior Women Football Championship 2023-24 chu nimin khan zawhfel niin, final-ah Aizawl District chuan 2-0-a Saitual District hnehin an champion.

Nimina Serchhip Sports Complex-a final khelhah hian minte 12-naah C.Zairemmawii chuan Aizawl District hi hma a hruaipui a, first half-ah goal dang lut loin, second half minute 59-naah Lalrinmuani chuan Aizawl District goal hnihna hi a thun a, C.Zairemmawii hi final-ah hian player of the match-a thlan a ni.
Champion team Aizawl District hian Fair Play Award an dawng a, Best Player atan Cindy Remruatpuii Colney, Aizawl District thlan a ni a, goal 9 thuntu Lalrinmuani, Aizawl District chu top Scorer a ni.