Kotak Pullela Gopichand Badminton Academy, Hyderabad-a awm mek Malsawmhlua S/o Albert Lalnunhlima, P&E Veng, Serchhip chuan Yonex Sunrise All India Sub-Junior Badminton Tournament, Pedem, Goa-a khelh zawh takah Under-17 Boy’s Doubles category-ah bronze medal a la.
Tun thla ni 10-17 chhunga khelh Yonex Sunrise All India Sub-Junior Badminton Tournament-ah hian Malsawmhlua leh a kawppui Mahendra Kalahasti, Andra Pradesh mite hi Under-17 huanga an vawikhat telna a ni a, Qualifying atanga bultanin qualifying round-ah hian mi 3 an hneh hnuin main draw an thleng a, Main draw-a an first match-ah seeded no 3 an tum nghal a, harsatna awm loin straight set in an chak.
Hemi hnu hian pair hnih dang hneh lehin semi final an thleng a, semi final-ah Seeded No.1, Bjorn Jaison leh Aathish Sreenivas P.V te tangdun chu 21-13, 21-17 in an hneh ta lo a, Bronze Medal an la ta a ni.
Malsawmhlua (Mama) hian National Ranking Tournament-ah medal 4 a lâkna a ni ta a, a hma in Gold pakhat leh Silver pahnih a lo la tawh a ni.