Nimin khan Chief Minister’s Office Cabinet Room-ah Lalduhoma, Chief Minister kaihhruaiin Council of Ministers an thukhawm a, an thurel zingah engemawzat an pawm.
Council of Ministers thukhawm thu pawm zingah Mizoram sawrkara Centrally Sponsored Schemes (CSS) hnuaia thawkte dahnghehna tur dân te, Contract hnathawk kum 15 aia rei lo thawk tawhte leh, kum 20 aia rei Provisional Employees leh Muster Roll-a lo thawk tawhte dahnghehna tur te, sawrkar hnathawk dan loa aikal late laka hmalakna turte a tel a, Rifle allowance Rs.40/- ni thin chu Rs.100/-a tihsan an remti bawk a ni.
Mizoram sawrkar hnuaia Public Sector Enterprises Corporation Board hrang hrang – ZIDCO, MIFCO, ZOHANDCO, MAMCO leh MKVI Board-a chairman-te dinhmun, lawmman leh hamthatna an dawn theih chinte ennawnsak an ni a, Mizoram Youth Commission chairman dinhmun leh hamthatna dawn theih tur rawtna pawh an pawm a, Mizoram Consumer Protection Rules 2021-a State Commission leh District Commission-a president leh member-te hlawh, allowances leh an hnathawh dan siamdanglam rawtna pawh pawm a ni bawk.
Council of Ministers thutkhawma rel tura dân thar chhawpchhuah zingah draft Mizoram Electrict Vehicle Policy, 2024 chu a thuphungin an pawm a, draft Lunglei Municipal Council Licensing Regulations, 2024 te, Lunglei Municipal Council (Control of Parking and Collection of Parking Fees) Regulations, 2024 leh Lunglei Municipal Council Display Advertisement & Hoarding Regulation, 2024-te an pawm bawk a, Scheduled Tribes & Other Traditional Forest Dwellers (Recognition of Forest Rights) Act, 2006 hmang ve tura rawtna pawm a ni a, Bharatiya Nagarik Suraksha Sanhita (No. 46 of 2023) hmang tura rawtna pawh pawm a ni bawk.
Hei bakah hian Rules for Enlistment of Contractors in Mizoram, PWD, 2014 siam\hat rawtna te, Mizoram Ceiling on Government Guarantees (Amendment) Bill, 2024 hmanga Mizoram Ceiling on Government Guarantees Act, 2011 leh the Mizoram Ceiling on Government Guarantees Rules, 2013 siam\hat rawtna te pawm a ni a, Remal Cyclone vanga chhiatna chhawmdawlna hnathawh dan DM & R department-in presentation an pe a, a tul anga hma lo la chhunzawm zel tura tih an ni bawk.