Nimin khan Mizoram University chuan Under-Graduate (II, IV & VI Sem) exam 2024 result a tichhuak a, Serchhip atanga Mizorama lang phak an awm.

BA-ah VI Semester-ah zirlai (regular & repeater) exam 157 atangin 99 an pass a, za-a 63.06 an pass a, IV sem-ah zirlai (regular & repeater) exam 119 atangin 73 (61.34%) an pass a, II Sem-ah zirlai (repeater)exam 41 atangin 23 (56.10) an pass a ni.

BSc-ah VI Semah zirlai (regular & repeater) 23 exam atangin 18 (78.26%) an pass a, IV Sem-ah zirlai (regular & repeater) exam 21 atangin 19 (90.48%) an pass a, II sem-ah zirlai (repeater) exam 12 atangin 3 (25%) an pass bawk.

Govt. Serchhip College atang hian Chemistry-ah K.Lalrindiki chu Mizoram pumah 4-na niin, Lalrampari chu 8-na a ni bawk.

Hei bakah hian F.Lalruatfeli D/o F.Lalneihmawia (L), P&E Veng chu Sociology-ah pakhatna a ni a, F.Rem-sangpuia S/o F.Remnalal-nghaka, New Serchhip chu Pachhunga University College atangin Mizoramah 4-na a ni a, Physics-ah Malsawmdawngzuali D/o C.Zonunsiama, New Serchhip chu PUC atang bawkin Mizoramah 9-na a ni a, a ni bawk.

A pumpuiah final exam-ah hian zirlai 14393 an exam a, an zinga 9519 an pass a, Arts zirlai chu tam berin zirlai 3586 an ni a, Science zirlai 510, Commerce zirlai 363 leh Home Science zirlai 16-ten an pass a ni.
Kum kalta khan Under Graduate zirlai 5201-ten hlawhtlinna changin, exam zawng zawng za zela chhutin, kumin aiin nikumah pass percentage a tha zawk a ni.