West Ham chuan Julen Lopetegui chu an coach thar atan an lalût.
Spaniard kum 57 mi, Lopetegui hian tun thla tir khan David Moyes thlak turin West Ham hi inremna a lo neihpui tawh a, West Ham tan hian kum 2 daih contract ziakin, duh chuan kum 3 thleng pawhsei theihna a awm a ni.
Lopetegui hian nikum August thlaa Wolves a chhuahsan hnu khan manager hna a la thawk leh lo a ni.
Tun thla tir khan West Ham chuan a vawi hnihna atana December 2019-a an lakluh leh 2023-a Europa Conference League chawipuitu Moyes hi season tawpah a chhuak dawn tih an sawi chiang a ni.
Tun season-ah Scot kum 61 mi, Moyes hian Hammers hi a chet thatpui lem lo a, Premier League-ah 9-na nihpuiin, a zawna European competition an khelh tawh pawh an khel pha ta lo a ni.
Hammers boss thar Lopetegui hian July ni 1-ah a hna a thawk tan dawn a ni.
Real Madrid leh Barcelona goalkeeper hlui Lopetegui hian Spain national team leh Real Madrid-te pawh lo enkawl tawhin, 2020 khan Sevilla chu Europa League a chawipui tawh a, kum 2022 khan Monlineux panin, hetihlai hian Wolves hi Premier League mawngphahah an awm a, season tawpah 13-naah a hlangkai a ni.