SASCI Part-I 2023-2024 sum hmanga Serchhip khawpui chhunga hmasawnna ruhrel siamna tur pilbo(Lapse) mai tur nia lang ta hi uiawm kan ti emem a. Social media-a thiam chang zawk nih tuma inpuhtawn vak vak ai chuan thil awmdan dik tak hi Serchhip mipuite’n an hriat ve tul hlein kan hria a,chuvangin, he press Release hi thudik puan chhuahna a ni tih hriaa mipuite’n ngun taka min lo ngaihthlaksak a, min lo chhiarsak theuh turin kan han inngen hmasa duh a ni.
Kan hriat theuh angin SASCI Work Amount hi 200 lakhs aia tlem lo tur tih a nia. Hei vang hian Serchhip khawpui chhung veng hrang hrang hmasawnna tur Proposal lehTuikum Constituency chhunga Work Proposal zawngzawng kha Widening, Strengthening & Impovement of Sport Complex Approach Road at Serchhip (Length =1.50 Kms) Amount Rs.3,67,11,904.94 /- ah fun khawm vekin a lo chhuak a. Serchhip khawpui Veng hrang hrangDevelopt-na atan bik hian Work chi hrang hrang 37, Total Amount Rs.22,220,373.6 /- lai mai kan chang a,kan lawm tehlul nen khan !!! Hetah hian han sawilan zeuh duh a awm a, CM Press Meet ah khan Sawrkar hmasain SASCI kha,dan lo angin hna tesep sang chuanga an then darh thu leh,keini chuan hna hlawm lian 8 ah kan dah,khatiang kha kan ti ve dawnlo tih thu a sawi a. Mahse,SASCI sum hmanga thawh tur niawm takin Serchhip khaw chhunga ZPM Unit hrang hrangte hian Work Proposal an thehkhawm ve tho niin a lang a,hna hlawm lian 8 chu thawh a ni bik em tih hi kan lo thlir reng dawn a ni.
SASCI Part-I 2023-2024 Sanction hi Dt.6.5.2023 ah Mizoram Sawrkarin a hmua,Dt.14.9.2023 ah Tender Call a ni.Dt.29.9.2023 ah Letter Of Acceptence hi Contractor Pu C Zama‘n a hmu a,SecurityDeposite 3% pawh dah nghal tura hriattir nghal a nih angin a dah nghal a. Mahse hnathawk tura a inbuatsaih mek laiin Dt.9.10.2023 khan MLA General Election puan a ni leh ta sia, hna tan theih a ni ta lo. Contractor sawidanin, Model Code of Conduct Rule alo tawp khan hna tan tumin Official lamte an han dawr a, ”Designated CM in SASCI Work rengreng Stay vek tur a ti”, an tih vangin Work site ah tak ngial pawh an hruai ngam lo a, hna tan theih a ni ta chuang lo a ni.(Sawrkar lakluh hma)
Tichuan Sawrkar lakluh felte a lo ni a,hna thawh theih ni a hriain Contractor pawhin hna tan tumin hma an la nghal a.PWD lamte nen thawh dan in kawhmuhin, a hmuna enho a nih mek laiin Dt.16.2.2024 khan Sawrkar in Stay Order a chhuah leh ta a,2023-2024 Financial Year tawp thlengin he Stay Order sut thu hi hriat a ni ta lo a.Contractor pawhin hma a lak a mek pawh a chawlhsan ve nghal a,a hna hming putu ber Serchhip Sport Complex Road chauh hi thawh an phal angin thawh a ni ta a ni.Tichuan Serchhip hmasawnna tura sawrkar hmasa in ruahmana alo siam sa,Serchhip khawpui chhunga hmasawnna tur hna hrang hrang 36, Rs 200 lakhs chuang man chu, Sawrkar hmasa thil tih a nih vang ringawta tih Lapse luih ni ta berin alang a, hei bak han puh tur dang a awm lo a ni.Heng Work te hi thawh vek nise Serchhip khawpui hmel hi a danglam dawrh ngeiin a rinawm a,a uihawm tak meuh meuh a ni. Sawrkar hian hmuh let leh ngei tumin theih tawp chhuah se kan ti hle mai.
Political Party chu chungnung zawk nih inchuhin kan inbei tur a ni ngei mai,mahse kan Goal ber ram leh khawtlang siam that theihnghilh thak khawp a Party rilru put nat lutuk hi a thalo takzet a.Ram hmasawnna tur ti Lapse thak duh khawpa Party feeling kalpui hi Sawrkarna lo chang tawh Party dang ten kan tih ve ngai loh thil a ni.Party system tha tih loh vanga Movement atanga indin,mipui Sawrkar inti ngam ngat te chetdan atan chuan a awm anglo takzetin kan hria a,sim hmak se kan duh takzet a ni.
Tin,Serchhip Khawpui chhunga 2022-2023 SASCI hman dan chungchanga Serchhip ZPM Media Cell ten MLA Gen. Election 2023 dawna khatih laia thudiklo hmanga Sawrkar lai an puhna,sum bel aia tlem hnathawh nana hman chung chang pawh Press Conf. ko meuha min puhna hrilhfiah an ni chung pawha tun thlenga an la vawrh darh ngar ngar duh hi a mak kan ti hle a ni.SASCI Work Serchhip khawpui chhunga thawh ho ah khan sum bel zawng zawng hi hnathawhna tur a nilo a,GST 14%, Contingency 3% ,Quality Control 1% a vaiin 18% hi Amount atanga deduct in hnathawhna tak chu alo chhuak chauh a ni tih lo hre ve tawh se kan duh hle mai.Tin,hna bo an tih pawh hi a bo lo a,a hmu duh tan en theih reng a ni a.Tin,Work Order in a sawi ang nilo a thawh ni a an sawi Footpath leh Railing chungchung pawh a chhawrtu mipuite duh dan ang zawk a Dept. Official-te nena tih danglam a ni tih hi kan inhrilh nawn leh ni se,Serchhip khawpui chhunga SASCI hna thawh reng reng hi Estimate and Drawing in a sawi dan ang thlapa thawh vek a ni a,a tha thawkhat hle a ni.
Tin, hei mai bakah,PHED hnuaia mipui tui thianghlim pekna tur Tanky leh a behbawm siam tur, Cotractor thlan fel vek tawh leh Security Deposite pek fel vek tawh pawh Sawrkar kal tawh ten an tih ngailoh anga chhuhsaka,Party mite pek ngawt maite ,Sawrkar liamta an beih chiam chiamna thin Restricted Tender hmanga Hospital hlui thiah leh 32 Laks man Medical Quarter sak hna Party Worker an han pe ve leh nghal zat tho si te hi kan dem takzet a.Khawilai hi nge ansawi fo thin kalphung thar chu tiin kan zawt nghal bawk a ni.
Issued by:
Media & Publicity Dept,
Serchhip ‘E‘Block MNF