Zirtawpni tlai khan Joseph Joel Denga, MJS, District & Session Judge cum Chairman Serchhip District Legal Services Authority (DLSA) ni bawk chuan Chhiahtlanga Serchhip District Jail tlawhin a endik.
Joseph Joel Denga hi Josangzeli Tlau, MJS, Secretary, Serchhip DLSA leh a thawhpuiten tawiawmin, Lalbiakthanga, Superintendent, District Jail leh a thawhpuiten an lo dawngsawng a, Josangzeli Tlau kaihhruaiin inkawmhona hun an hmang a, he hunah hian Jail tâng an chungchang rel fel tawh (Convict) leh an chungchang rel mek (Under Trail Prisoner)-ten an mamawh leh harsatna hrang hrang an lo thlen a, an harsatna tawhte a tul ang bawhzuisak an nih tur thu hrilh an ni.
Tun dinhmunah hian District Jail-ah hian Jail tâng (inmates) 40 awm mekin, chu’ng zingah chuan Convict 14 leh Under trail Prisoner 26 an ni.