Inruk bo dem thu au chhuahpui

Central YMA chuan Mizo-rama pawisawilo mipuite tithla-bar zawnga che an awm thin chu pawi an tih thu vawiin khan thuchhuah siamin an sawi a, he thil thleng hi an dem takzet tih an sawi a ni

Mizoram Forest Deptt hnuaia hnathawk mi 5 rukbo chungchanga an thuchhuahah Central YMA chuan heng mi 5 te hi intiamkamna awm lova chhuah tura an phut thu an sawi a ni.

MZP pawhin nimin vek khan thuchhuah siamin, thilsual titu te an dem thu leh ramdang mi nia hriat ten Mizoram chhung ngei a hnathawk lai te rukbo an ni chu an dem tih an sawi a , a rubotute chu Tuikuk misual te an nih ngei an rin thu leh Politics-a ham\hatna duh avanga Tuikuk, ram pawna la awm lui tlat ten remna leh muanna duhtu Mizote min tihbuai an bansan dawn lo a nih chuan Mizorama lo lut duhlo Tuikuk te hian Mizoram chhunga inthlannaah reng reng vote an neih zui zel a \ulna MZP chuan a hrelo a ni, an ti.

Heng mi panga rukbo chungchangah hian nimin thleng khan thuthar hriattur a la awm lova, police ten a chhuizui hna ngawrh takin an thawk chhunzawm mek a ni.

MNF pawhin inrukbo chu \ha an tihloh thu leh hnam anga \an tlan a ngai tih an sawi a, rukbova awmte rang taka chhanchhuah hna thawk tur hian sawrkar hian hma a la ngei turah a ngai tih an sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram