Chief Minister Pu Lal Thanhawla’n Bairabi leh Sairang inkar Tlawng luia Inland Water Transport Project chu thawh zawh a ni tawh a, mi \henkhat-in an hmang \angkai nghal tawh tih a sawi.
Nimina house-a zawhna chhangin Chief Minister chuan, Tlawng luia Inland Water Transport Project siam nan hian Ministry of Shipping a\angin Cheng Nuai 527.93 hmuh a ni a, kum 2012 – 2013 chhunga a enkawl zui nan Cheng Nuai 5 dah a ni a, a \ul angin dah belh zel a ni ang, a ti.
Helai lui hmang \angkaitu te a\ang hian a hming chauha chhiah lak a ni dawn tih sawiin Department-in a buaipui mek a, he waterway hi Hortoki leh Bairabi vela mipuite chuan hman \angkai an tum hle a, tunah hian Hortoki-ah Engine Boat 140 chuang a awm tawh nia hriat a ni a, Bairabi-ah 30 chuang a awm tawh nia hriat a ni bawk a ti a, helai vela mi te chuan an thlai tharte pawh a to na zawk phai lamah an phur thla zel \hin nia hriat a ni a ti.
Chief Minister chuan, hetiang waterway hi chhim lamah pawh siam tura hmalak mek a ni a ti a, cheng vaibelchhe 26.97 hmangin Tuichawng leh Karnaphuli leh a dangahte hma lak a ni dawn a, DPR hi sawrkar laipui chuan a pawm tawh a ni a ti.