District Council thuneihna humhim tum

Saihaa MDF leh MNF Coordination Committee chuan District Council thuneihna hunhim turin a tawp thlengin hma an la zel dawn tih an puang.

Nimina Saiha-a Press Conference-ah he thu hi sawiin MDF & MNF Coordination Committee chairman Pu M.Laikaw chuan Parliament in Sixth Schedule Amendment siam tura Draft Bill a siam chu mahnia ro inrelna tihchhiat leh chimral tumna a ni a, an do tlat dawn tih a sawi a, Sixth Schedule chu India danpui tlawhchhana hmarchhak biala cheng Tribal te enkawlna tura siam a ni a, hmarchhak biala Autonomous District Council 10 te chu Sixth schedule dan hmangin enkawl vek an ni a, amaherawhchu Kumin Parliament Budget Session a sixth Schedule siam\hat rawt a ni chu \ha an ti lo tih a sawi a, rawtna awm mek ang chuan Council te hnena thuneihna pumhlum pekna dan sixth Schedule para 3-na hmang lovin State sawrkar ina enkawl panchayat leh Municipal te hnena Development thuneih-na a kawltirna dan Sixth Schedule Para 6 (2) hmanga dan siam tum a ni a, hemi ang chuan Autonomous Council chu Development Council angin a kal dawn tihna a ni, a ti.

Pu Laikaw chuan, hetianga Sawrkar laipui in Sixth Schedule siamthatna tur a siam leh State sawrkar hnuaia luta Development Agency pakhat ang leka an awm mai theih chhan chu District Council sawrkar chelh mektu Congress vang a ni, a ti a, MADC sorkar chuan CCB Rules te siam\ha-in Session ah a pass tak avangin hemi zulzui hian Sawrkar laipui chuan hma a la ta a ni a ti a, MADC hruaitute chu ram tana thil pawi tak khawihtu ah a puh a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram