A thlawna sem tiama inel lo turin duh

Mizoram News

Former Legislators Association of Mizoram (FLAM) chuan a thlawna mipuite pek tur tiam lama inel lo turin Political Party hrang hrangte a ngen.

FLAM Executive Committee ṭhukhawm chuan ram hruaituten mihring rilrua tumruhna thahrui tichhe thei zawnga a thlawna dawn tur pawisa an tiam vangin mihring rilru a piangsual a, kutdawhah an siam mek nia sawiin, pawi an tih thu an sawi a, hlawh-tlinpui ngei tura hnathawh tur ruahman kawnga inel turin Political Party te a ngen a ni.

FLAM Executive Committee hian Politics kalphung dik loh vanga khawvel ram hrang hrang ralmuang ta lo te, ram hrang hrang economic dinhmun tla chhe mekte, India ramah pawh economic dinhmun thanna beisei chu za zela 9 a nih laiin a taka thanna chu lo lang chhuak chu za zela 4.5 chauh a lo nih tak thu te sawiin, pawi an tih thu an tarlang a, hei hian sorkar laipui ringa awm, Mizoram pawh nasa takin a nghawng mek niin an sawi bawk.

Leave a Reply

This site uses Akismet to reduce spam. Learn how your comment data is processed.