PRISM Khamrang Branch chuan Nilaini khan Kolasib District Bawrhsap, District Collector ni bawk hnenah Khamrang VC area chhunga Compensation pek tur-ah thil diktawklo awm a an hriat avangin sum hi sem rih lo tura ngenna an thehlut a, an thuthehluh chu Ningani khan an hnuk kir leh a ni.
PRISM chuan, Sairang thlenga rel kawng sial turin a paltlang khua, Khamrang aṭanga zangnadawmna hmu tura thlan mi 86 zinga 29 te chuan a takin ram an nei lo nia hriain, Nilaini khan Kolasib District Bawrhsap, District Collector ni bawk hnenah he sum hi sem rih lo tura ngenna an thehlut a, an thutheh luh hi an hriatsual vang nia sawiin Ningani khan Kolasib District Bawrhsap hnenah an thu thehluh hi an an hnuhkir leh thu lehkha an thehlut leh a ni.
Ningani-a PRISM Khamrang Branch-in an thutheluh ah hian, Khamrang area chhunga railway compensation chungchanga kan thu hriat dan leh dawn dan dik tawk loh avanga thu kan rawn thlen tawh kha kan ngaihtuah chiang a, thil fello a awmlo tih kan han hriattir leh che a, compensation kan khuain kan dawn tur pawh hi a rang lama min semchhuah sak theih chuan kan lawm hle ang, tiin an ziak a ni.
PRISM Khamrang Branch-in an thu thehluh an hnuhkirna hi Ningani vek khan Chief Minister pawh thawn nghal a ni a, Revenue Minister pawh a copy hi thawn nghal a nih bakah. Chief Secretary leh PRISM General Hqrs te thawn nghal an ni bawk a ni.
Hetilai hian, Khamrang VC area chhunga ram neilo nia PRISM-in an sawite hi an lungawilo hle a, ram nei reng si ram neilo anga an hming tarlan a a awm chu in tihmualpho tumna hrim hrim nia an ngaih avangin, Defamation Case file hial an duh a, engtinnge an ka zel dawn tih chu an la ngaihtuah dawn thu, kan dawng bawk a ni.