Real Madrid chuan Manchester United dinhmun luahlanin, khawvêla football club hlu ber a ni ta.
Kum 2004 aṭang khan Business magazine Forbes chuan football club-te hlutna hi lakhawmin, English Premier League-a hma hruai mektu Manchester United chuan dinhmun sang ber a hauh chho char char a, tun hi pakhatna dinhmun aṭanga a tlakthlak vawikhatna a ni.
Tuna club tinte hlutna a chhutchhuahah hian Spanish Club hausa Real Madrid hi Dollar tluklehdingawn 3.3 (£2.2bn) zeta hlu a ni a, Manchester United hi 2-naah awmin,a hlut zawng hi Dollar tluklehdingawn 3.17 a ni a, Barcelona chu pathumnaah awmin, a hlut zawng hi Dollar Tluklehdingawn 2.6 vel a ni.
Forbes chuan Spanish economy lam tlahniam mahse, Real Madrid sum lakluh hi a nghing lo tih a sawi a, a hlutna a sân chhoh nachhan hi superstars Cristiano Ronaldo huhang ngahna te, coach thâwm na tak Jose Mourinho -te leh billionaire president Florentino Perez-te vang a nih thu a sawi.
Kumina top 20 football club hlutna hi average-in Dollar maktaduai 968 (£634 million) a ni a, nikum aiin 26% zetin a sang a ni.
Top 20 Forbes list-ah hian Europe khawmualpui pawn atanga lang an awm ve ta nawlh mai a, chu chu Brazil club tha Corinthians niin, a hlutna $358 million a ni a, list-ah hian 16-na niin, Forbes top 20 list-a European team ni lo lang thei hmasaber a ni.
Top 20 :
1. Real Madrid – £2.18 bn
2. Man Utd – £2.09 bn
3. Barcelona – £1.72 bn
4. Arsenal – £880ml
5. Bayern Munich – £860ml
6. AC Milan – £624ml
7. Chelsea – £595ml
8. Juventus – £458ml
9. Manchester City – £455ml
10. Liverpool – £430ml
11. Tottenham – £343ml
12. Schalke – £329ml
13. Borussia Dortmund – £301ml
14. Inter Milan – £265ml
15. Lyon – £243ml
16. Corinthians – £236ml
17. Napoli – £218ml
18. Hamburg – £198ml
19. Marseille – £188ml
20. Newcastle United – £174ml
Player zinga sum huilut hnem ber chu Paris St-Germain midfielder David Beckham a ni a, Pound maktaduai 33 a lakluh zinga Pound maktaduai 29 chu endorsements aṭangin a ni a, England captain hlui hnuaiah hian Cristiano Ronaldo awmin, Pound maktaduai 28.8 a lalut a, khawvela football thiam bera thlan mek Lionel Messi chu 3-na niin, salary leh endorsements aṭangin Pound maktaduai 26 zet a senglut ve thung a ni.