Mizoram News

Mi rubotu zinga rinhlelh pakhat man

Kumin February ni 20 zinga Mamit District Dampa Tiger Reserve Forest-a hnathawk mi 5, Chikha khaw hlui aṭanga rubotute zinga mi ni a hriat mi 1 chu Mizoram police leh Tripura police ten an man a,nimin khan Aizawl Central Jail-ah dah luh a ni.

Thulakna tarlan danin, rinhlelh thil thu a an mi man, Lochiram Reang (38) hi, North Tripura Relief Camp 1, Naisingpara mi a ni a, Thawhlehni tlai dar 4 khan Relief Camp 1- Asapara aṭangin Kanhmun O/C leh Tripura Police ṭangho ten an man a, Nilaini khan Mamit P/S thlen pui niin nimin khan Central Jail ah dah luh a ni.

Mamit SP Pu Rodingliana Chawngthu sawi danin, Chikha khawhlui atanga mi rubotute hi NLFT hel pawl thlazar hnuaia awm Bru hel an vaiin mi 12 an ni tih Lochiram chuan a sawi a, an pawlah hian mi 14 an awm thu a sawi bawk a ni.  Lochiram Reang hi thubuai hrang hrang siamsak niin, chung zingah chuan Pawisa phut vanga mi rûkbo te, a huho a thilsual tih leh phalna nei lova silai keng thubuai te a tel a ni.